A semellanza do fume, o circo, na súa evolución xeométrica cara o futuro, penetra por todas as portas, ventás e fendas do panorama escénico.Neste caso ocupa os espazos baleiros entres os atrís e as cadeiras dos músicos dunha bandamunicipal.
ORQUESTRA DE MALABARES é un espectáculo que pon en escena a seis malabaristas
e unha banda municipal. Unha relación entre música e circo. Un concerto onde os malabares son os bailaríns deste ballet aéreo. Clarinetes, saxos e trompetas son os pintores dun cadro expresionista no que as bolas, mazas e aros debuxan no ar os sentimentos e emocións que transmiten a música e o circo.
A banda municipal e os seus músicos, fora da súa zona de confort, participan, case como actores, dun espectáculo teatral tocando temas e estilos fora do común.
En definitiva, este é un espectáculo de instrumentos dourados, grandes tambores, pratillos, camisas brancas, uniformes e maxistráis obras clásicas; pero tamén de pantalóns curtos, camisetas, gafas de sol, funk, blues, pop e punk.
Creative Commons Attribution-NonCommercial-NoDerivatives 4.0